Bajder sikadipe elementar pedagogik

Khetanipeskere parujiptscha taj aktujeli forschinipeskere arajiptscha use oda ledschine, hot le agune sikadipeske aktujeli utscho barikanipe dim ol. Odoleha phandlo parun taj bartschon mindig o aunmangiptscha taj upre diptscha. Profesijonalisrung, krejativitet taj fleksibiliteta le cile andi sistemo dschenendar baro armangipe hi. Amare bajder sikadipeskere aunbitinipeha ando elementar pedagogischi koja kamaha amen le tschavengeri barengeri -pedagogkijenge taj pedagogenge  sar le hort pedagogkijenge taj -pedagogenge ande lengeri bujtakeri koja taj use lengero butjakero armangipe  te pomoschinel. Use orijentirinel pumen o dschene la elementar pedagogkijatar uso ardimo sikadipeskero plan taj o visenschoftlichi prindschariptscha la aguna tschavengera cajtatar.

O bajder sikadipeskero programo andi koperacija le tschavengera barakere upre dikaschestar le birovtschagostar la burgenlanditika thaneskera regirungatar kerdo ulo taj jek berscheskero programo hi, savo sako bersch ando 15. april le ajipeskere tschavengere barakere berschestar ando PH Online fraj scholtim ol, sar te andar sikadipeskere mulatintschagi, save o cilo bersch use aktujeli aunpaschlariptscha aunbitim on.

Seminartscha